तम आंग आव ....

तम आंग आव .....
..........................
सरपंच देरो कोनी भाव
करन , मेंबर कररो,
अविश्वास ठराव.
तांडेम भरागी गटार
अन रमरे ' मच्छर ' डाव .

खेत वेचन ऊ माटी
पुढारी बणगो
फुकटेर खायेवाळे
काळ्या न , सोबत लेगो.......
तालुकार ' गड ' बंगला पर
  'माटी '   पक्षेम     भरागो,
 दादार पगू पडन
पक्षेर झेंडा लेन आवगो............
व्याजेती पिसा वेटेवाळो
'धुंड्या 'बणरो छ साव ,
नळ छाडेवाळो ' सोमीया '
केरो छं, पाणी छेनी , घर जाव
तांडेम भरागी गटार
अन रमरे ' मच्छर ' डाव .


आसे लोकून , घर बसाडे करता
तरुण हो , समृद्ध विचारेती
तम आंग आव
प्रगतीशील कृतीशी ,
आपणे तांडेन बचाव
कारण ,
तांडेम भरागी गटार
अन रमरे ' मच्छर ' डाव .
........................... एकनाथ गोफणे