एकांकिका -
माझं काय चुकलं?
रंगमंचावर ...
वाहनांचा आवाज.... त्यानंतर १ पुरुष -डायव्हर गाडी चालविण्याची कृती करत येतो . गाणे म्हणतो.
पुरुष १ : _
रस्त्यावरती खड्डेच खड्डे
अडचण येतीया ड्रायविंगला
कशी काय चालवू या गाड़ीला मी
कशी काय चालवू या गाड़ीला
पुरुष २ : _ओ डायरेक्ट खड्डयाची लावणी सुरु केली की ?
पुरुष १ : _ अरे , सालं या रस्त्यावरच्या खड्डयाने सगळा ताण वाढवाला ..
(गाडी स्टेअरिंग अॅक्शन ) -
इकडचा चुकवू की
तिकडचा चुकवू
बिरेक लावू का
गिरय बदलू
काही उमजना,डोकं चालना
कुणीतरी याहो समजावयाला
कशी काय चालवू या गाड़ीला
पुरुष २ : _ (स्त्रीला ) काय , आत्या कुठं चालल्या...?
स्त्री .: _ अरे भाऊ , हाडांच्या दवाखान्यात चालली.
पुरुष २ : _ काय झालं ?...
स्त्री .: - अरे भाऊ, परवा, आन्ना च्या रिक्षात बसलो होतो , समदे...
पुरुष २ : _ मंग काय झालं?
स्त्री .: - (त्रस्त होत... आई .. आई .. आई )अरे भाऊ, त्या भवानी फाट्याजवळ खड्यात त्याच्या रिक्षाचं पुढचं चाक
तुटलं.... रिक्षा पलटली... अन . कंबरेचा त्रास सुरु झाला... रे दादा... या रस्त्यापायी लई हाल झालेत..
सुमी काय आली नाही .... तिचा पन हात दुखतोय आता
पुरुष १ : _ ती काय आली सुमी....
स्त्री .: - (त्रस्त होत.. ). चाल गं ... लवकर....
सुमी .: - रस्ता दुरुस्त झाला पायजे...
आली फुकट बिमारी , बुडली रोजंदारी ! अशी गत झाली बाबा . ..
...............
पुरुष १ : _ चला बसा , लवकर
पुरुष २ : _ काढरे गाडी.... भरली की चालली... [रिक्षा जाण्याचा आवाज ]
मोर्चाचा आवाज ...............
आमच्या गावचा रस्ता दुरुस्त झालाच पाहिजे.
खड्डे मिटवा, रस्ता बनवा
आमच्या समस्या सोडवा..
खड्डे मिटवा, रस्ता बनवा.
तरुण १ : - सुंदर रस्ता, भूषण भारता... हा बोर्ड नुस्ता नावालाच..
तरुण २ : - भारतात असेल काही भागात , सुंदर रस्ता.. पण आमच्या भागात खड्डेच खड्डे.. .खड्डेच खड्डे...
समस्त तालुका वासियांच्या वतीने आपण आज निवेदन देतोय...
(मोर्चाचा आवाज )आमच्या गावचा रस्ता दुरुस्त झालाच पाहिजे.
खड्डे मिटवा, रस्ता बनवा,खड्डे मिटवा, रस्ता बनवा.
आमच्या समस्या सोडवा..
तरुणी : - समस्त तालुका वासियांच्या वतीने आज आपण , आपल्या तालुक्याचे , दमदार, शिलेदार, आमदार साहेबांना निवेदन देतोय... की आपल्या भागातील रस्त्यांची दूर्दशा थांबवा..
(मोर्चाचा आवाज )आमच्या गावचा रस्ता दुरुस्त झालाच पाहिजे.
खड्डे मिटवा, रस्ता बनवा,खड्डे मिटवा, रस्ता बनवा.
आमच्या समस्या सोडवा..
महोदय, आपण या भागाचे जबाबदार लोकप्रतिनिधी म्हणून आपल्या मतदार संघातील रस्त्यांची दूर्दशा थांबवा..व उदया खड्यांची महापूजा आहे. तरी यासाठी आपण उपस्थित रहावे ही विनंती ..निवेदन देतोय... ( निवेदन देतात, )
आमदार : _ माझ्या भावांनो, मी आपल्या भागातील रस्त्यांच्या दूर्दशेबद्दल जिल्हयाचे पालकमंत्री व सार्वजनिक बांधकाम मंत्री मा.ना. दादांशी बोललोय ...
लवकरच CM ग्रामसडक विकास योजनेतून आपल्या भागातील रस्त्यांची उत्कृष्ठ निर्मिती करेलच असं आश्वासन देतो.. जागृत नागरीकाची भूमिकाच देशाच्या विकासाला हातभार लावेल.आपण आलात त्या बद्दल धन्यवाद...
मोर्चाचा आवाज ...............
आमच्या गावचा रस्ता दुरुस्त झालाच पाहिजे.खड्डे मिटवा, रस्ता बनवा .आमच्या समस्या सोडवा.खड्डे मिटवा, रस्ता बनवा.
तरुण १ : _ आजी , घरी कवाआल्या ,काय झालं.हाडांच्या
दवाखान्यात. डॉक्टर काय बोलले.
स्त्री .: _ अरे भाऊ , डाक्टर दादा बोलले कमरेच्या हाडाला सूज आलीय.. त्या दुव्वाड रस्त्यानं माझं नुकसान केलं रे दादा... औषध दिलेत .. बरं व्हईन १ महिन्यात असं...
तरुण १ _ आज आम्ही आपल्या आमदाराला निवेदन दिलं. रस्ता दुरुस्तीबद्दल...
स्त्री .: - अरे भाऊ, परवा, आन्ना च्या रिक्षात बसलो होतो , तवा घोटाळा झाला समदा.सुमी आली होती .... तिचा पन हात दुखतोय..
तरुण १ : _ ती काय आली सुमी, मावशी
सुमी .: - रस्ता दुरुस्त झाला पायजे ..
तरुण : _ औषध घे , हात बरा होईन...
स्त्री .: - (त्रस्त होत.. ).
आली फुकट बिमारी , बुडली रोजंदारी ! अशी गत झाली रे बाबा . ..
तरुण : _ आता आम्ही , खड्डयांची पुजा करतो. अन पेपरला बातमी पण देतो...
सगळे जण अर्धगोलाकार बसून खड्डे पुजा करतात.....
बाजुला: - (T. V. पत्रकार... जोडी
हातात माईक.. कॅमेरा मॅन )
(T. V. पत्रकार
आपल्या भागातील रस्त्यावरील खड्यांमुळे त्रस्त झालेल्या तरुणांनी आज शासनाचे व लोकप्रतिनिधींचे लक्ष वेधण्यासाठी
चक्क खडयांची महापुजा करुन आपला संताप व्यक्त केला. महाराष्ट्रातील जागृत तरुणाई आपल्या समस्या सोडविण्यासाठी काही पण करु शकते याचा प्रत्यय आज आला. या संदर्भात या तरुणांच्या एका प्रतिनिधीशी बोलूया व त्याच्या भावना जाणून घेऊ या..
(T. V. पत्रकार _ खड्डे पुजण्यामागची तुमची भूमिका काय?
तरुण १- आमच्या भागात रस्ते खराब आहेत. खड्डयांमुळे वाहन चालविता येत नाही. पायी पायी निट चालता येत नाही, यासाठी आम्ही तरुणांनी, आज शासनाचे व लोकप्रतिनिधींचे लक्ष वेधण्यासाठी
चक्क खडयांची महापुजा करुन आपला संताप व्यक्त केला. आमदारांना काल निवेदन पण दिले..
रस्त्यावरील खड्डयांमुळे ,होणारे अपघात, लोकांना होणारा शारीरिक त्रास थांबेपर्यंत, आम्ही आंदोलन करतच राहू...
T. V. पत्रकार_.. : - या तरुणांचा संघर्ष काय बदल घडवितो , हे आता काही दिवसांनी समजेलच.
कॅमेरामन सुधांशू सह मी प्राजक्ता .सत्यवार्ता साठी.....
(दृश्य _ सगळे बसलेले... एकजण पेपर घेऊन येतो )
तरुण : - अरे बघा, आपल्या आंदोलनाचे यश
रस्ता नवनिर्मितीस मंजूरी..१५ दिवसात प्रत्यक्ष कामास प्रारंभ...
बातमी वाचा...
(सगळे जण बातमी वाचतात )
तरुण - २ : _ आपल्या तरुणाईच्या आंदोलनाचं यश..
बातमीत पण उल्लेख..
आजी व सुमीला पण सांगतो...
तरुण : _ आजी आमचं , म्हणणं ऐकलं सरकारनं.
आपला रस्ता दुरुस्त होणार.. पेपरात आलं आज.
सुमी .: -भारी झालं, रस्ता दुरुस्त झालाच पायजे .. लवकर
स्त्री .: - (त्रस्त होत.. ). बरं व्हईन, सुधरुन जाईन.. लई त्रास व्हायचा..
बाजुला: - (T. V. पत्रकार... जोडी
हातात माईक.. कॅमेरा मॅन )
(T. V. पत्रकार
आपल्या भागातील रस्त्यावरील खड्यांमुळे त्रस्त झालेल्या तरुणांनी आज शासनाचे व लोकप्रतिनिधींचे लक्ष वेधण्यासाठी
चक्क खडयांची महापुजा करुन आपला संताप व्यक्त केला होता , त्या रस्त्याची नव निर्मिती सुरु झाली असून महाराष्ट्रातील जागृत तरुणाई आपल्या समस्या सोडविण्यासाठी काही पण करु शकते याचा प्रत्यय आज आला. या संदर्भात या तरुणांच्या एका प्रतिनिधीशी बोलूया व त्याच्या भावना जाणून घेऊ या..
(T. V. पत्रकार _ रस्ता निर्मितीसाठी येथे सर्व यंत्रणा आली , काम सुरु झालं . या बाबत तुमची प्रतिक्रिया सांगा?
तरुण १- आमच्या भागात रस्ते खराब आहेत. खड्डयांमुळे वाहन चालविता येत नाही. पायी पायी निट चालता येत नाही, यासाठी आम्ही तरुणांनी, आज शासनाचे व लोकप्रतिनिधींचे लक्ष वेधण्यासाठी
चक्क खडयांची महापुजा करुन आपला संताप व्यक्त केला. आमदारांना काल निवेदन पण दिले..
आज प्रत्यक्ष काम सुरु झालं हे बघून आनंद वाटतोय
रस्त्यावरील खड्डयांमुळे ,होणारे अपघात, लोकांना होणारा शारीरिक त्रास आता थांबेल.आम्ही सर्व तरुण व नागरीकांतर्फे शासन व लोकप्रतिनिधींचे आभार व्यक्त करतो.
T. V. पत्रकार_.. : - या तरुणांच्या संघर्षाने बदल घडला , हे आता समजलय..
कॅमेरामन सुधांशू सह मी प्राजक्ता .सत्यवार्ता साठी.....
...... दृश्य- सगळे आनंदात ....
सगळे : - व्वा.... रस्ता ... एकदम सुप्पर...
ड्रायव्हर. _ लई भारी झालं , खड्यांची कटकट मिटली...
(गाडयांचा आवाज ) वेगाने पळणे .. अपघात .... अँम्ब्युलन्स आवाज, कुत्रे भुंकणे.. )
सामुहिक.... रडारड.... अरे उचला.... घ्या...
अरे बापरे ... काय भयानक अॅक्सीडंट....
सामान्य माणूस : _ बरं झालं , तू कुत्रं हाकललं? नाही तर त्या म्हातारी चा हातच घेऊन पळालं असतं ते !
,अरे बापरे ... काय भयानक अॅक्सीडंट....
असं संकट कुणावर येऊ नये रे...
ट्रक पलटी झाला,आख्खं वऱ्हाड संपलं...
तरुण : _ एकच पोरगं वाचलं.. काय रस्ता बोगस झाला..
खूप अपघात व्हायला लागले....?
( सर्वत्र शांतता .... सर्व जण स्तब्ध )
आवाज: _ माझं काय चुकलं ?-
( सर्वत्र शांतता .... सर्व जण स्तब्ध )
तरुण : _ कोण ?कोण ?
माझं काय चुकलं ?- --------------
तुम्ही जायचे ,🚶
या ठिकाणाहून
त्या ठिकाणी🚗🚕🚌
लहानांपासुन, मोठ्यांपर्यंत .👥👥👥👭
मला आनंद व्हायचा 😁
🏍🚲🚲माझ्यावरचे छोटे मोठे खड्डे बघुन ,
तुम्ही संतापायचे,😠
प्रसंगी शिव्याही द्यायचे
कधी नशिब उघडेलरे याचं,
दुरुस्त होणार कधी हा?
एकदम बोगस झालाय .
मला वाईट वाटायचं,😞
स्वतःबद्दल रागही यायचा😒
पण मी आशावादी पडलो ना,
होईल एके दिवशी सारं सुरळीत
या आशेवर जगायचो ,
दिवस रेटायचो.
कधी तुम्ही त्या खड्यांची पुजा करायचे 🙏,
सुधारणे साठी
निवेदन द्यायचे,✍
पेपरात छापायचे📰🗞📝
तरीही मला आनंद व्हायचा😀
.....आणि बदल घडला
टेंडर पास झालं,🖊🖨
खडी आली ,
माणसं आली👥👥👥
डांबर आलं ,
यंत्र सामुग्री आली🚜🚜⛰🏔🗻
थोड्याच दिवसात
माझं परिवर्तन करुन गेली🛣
मी चकाचक दिसायला लागलो,
खड्यांपासुन मुक्तीचा😀
आनंदोत्सव मनात
साजरा करु लागलो.
तुम्ही आनंदित झाले,😃
अन् वेगात धावले🚗🚕🚙🚌🚚🚘🚖🏍🚲
गतीने गती घेतली,
तुम्ही नियम तोडले,🚦🛣
मोबाइलवर बोलत ,📲📲📱
स्वतःची सुरक्षितता
दूर लोटत, सुसाट धावले.🚗🏍🏍🏍🚙🚕
तुमच्या काळजी साठी
माझ्या शरिरावर लावलेल्या खाणाखुणांकडे😎
तुम्ही जाणीवपुर्वक दुर्लक्ष केलं.
अन् एके दिवशी
जे नको व्हायचं तेच झालं😨😰😩😓
अपघातांची मालिकाच
सुरु झाली.
पेपरात बातमी
यायला लागली📰🗞
आठवड्याचा प्रत्येक
वार अपघातवार ठरु लागला
कसं सांगु,
अजुनही गुंजताहेत 😫😩🗣🗣🗣
त्या आरोळ्या कानात,👂👂👂🗣
माझ्या अंगावर पडलेल्या
रक्ताचा
अजुनही ओलावा जाणवतोय.
मी चांगला झालो🛣🛣
हीच माझी चुक होती का?
यंत्र कोणतच चुकत नाही,🚑🚓🚑🚒
माणुस चुकतो हो,🚕🚕🚗🚙🏍🚲
जीव गमावतो.🚶🚶🚶
तरीही माझ्याच नावाने दोष
हा रस्ता दुव्वाड बनलाय,🛣
मृत्युचं दार बनलाय.💭💭
मी तुमच्या भागाचाच नाही , तर
देशातल्या रस्त्यांचा प्रतिनिधी
म्हणून तुम्हाला विचारतोय
सांगा,माझं काय चुकलं ?
सांगा,माझं काय चुकलं ?📢📢👏👏👏👏😪😩😫😪😪😪😪😥😢😢
सर्व जण स्तब्ध उभे व मागून आवाज येतो
प्रारंभी आलेला ड्रायव्हर पुन्हा लावणी स्टाईल ने
ट्रॅक्टर वाल्याचा एकच लाईट
नाईटला कळना नेमकी साईट
अपघात होतात
भलतेच वाईट
सगळेच लागले नियम तोडायला
कशी काय चालवू या गाड़ीला
आपली काळजी घ्यावी आपण
सुरक्षित चालवा तुम्ही वाहन
वाचवा स्वतःसह इतरांचे प्राण
नियम पाळा देवूनी ध्यान
आनंदित करा जीवनाला हो
सुखाने जा सारे प्रवासाला
🚌 🚙🚲 सुखाने जा सारे प्रवासाला
********************
...आपलं वाहन 🚗 सुरक्षित चालवा आपल्या सह सजीव प्राणी यांच्या जीवनाची काळजी घ्या ही विनंती 👋
लेखन - एकनाथ लक्ष्मण गोफणे .
8275725423
करगाव ता.चाळिसगाव जि.जळगाव
